Online Learning

Sa panahon ngayon na may epidemya

Pag-aaral ko ay maitutuloy pa ba?

Ako ay natatakot at nangangamba

Na ang mga pangarap ko'y mawala na lang bigla

Wala akong sapat na kagamitan

Sa Online Learning na bagong paraan

Wala rin matibay na internet connection

Na pangunahing kailangan ngayon

Ako ay simpleng bata lamang

Nagmula sa mahirap na pamilya

Edukasyon ang tanging kayamanan

Pagkamit nito ay mahahadlangan ba?

Alam kong hindi ako nag-iisa

Na nararanasan ang ganitong kalagayan

Maging mga guro ay nahihirapan

Na makasabay sa bagong paraan ng pag-aaral

Ngunit hindi ito dahilan ng aking pagsuko

Sinimulan kong laban, di ko papatalo

Mga pangarap, panghahawakan ng husto

Sapagkat sa huli, laban ko maipapanalo

Maghahanap ako ng iba't-ibang paraan

Pag-aaral ko'y hindi mahinto lamang

Mga magulang na aking inspirasyon

Alam kong nahihirapan din ngayon

Kagawaran ng Edukasyon gumawa ng paraan

Para sa aming walang kagamitan

Online, blended at modular

Paraan para maipagpatuloy ang pag-aaral

Mananatili akong positibo

Sa panahon ngayon na puro negatibo

Mahirapan man ako ng husto

Pangarap ko lang hindi maglaho

Epidemya ay matatapos rin

Mababalik ang dating gawi

Edukasyon na aking hangarin

Mga eskwelahan magbubukas rin

Sa aking munting tula

Nilahad ko aking pag-aalala

Ngunit hindi mawawalan ng pag-aasa

Para sa pag-aaral na aking pinag-iingatan